Mois : mars 2023

📌Anio hariva ny 20 Martsa 2023 dia nanantontosa fitsidihana ara-pomba fanajana tao amin’ny Mpitahiry ny Tombokasem-panjakana­, Ministry ny Fitsarana, R/toa RANDRIAMANANTENASOA Landy Mbolatiana teto Farvohitra ny masoivohin’ny Firenena Torkia🇹🇷.

⭕ Fiaraha-miasa mahomby sy azo tanterahana amin’ny lafiny raharaha ara-pitsarana eo amin’ny firenena roa tonta no nifantohan’ny laha-dinika.
Marihina fa mbola tsy misy ny fifandraisana ara-pitsarana eo amin’ny Firenena roa tonta.

📌Tonga nanao fitsidihana ara-pomba fanajana tao amin’ny Mpitahiry ny Tombokasem-panjakana­, Ministry ny Fitsarana, R/toa RANDRIAMANANTENASOA Landy Mbolatiana ny masoivohin’ny Vondrona Eoropeanina anio 20 Martsa 2023 teto Farvohitra.
Nitondra ny teny fiarahabana ho an’ny Rtoa Ministra ny amin’ny naha-voatendry azy amin’izao toerana izao ary indrindra ihany koa hanamafy ny fiaha-miasa.

🔷Tsara ny manamafy fa anisan’ny nanampy betsaka ny Ministeran’ny Fitsarana tamin’ny fanomezana ireo fitaovana ara-informatika sy foto-drafitrasa nahafahana nikirakira ny Haitao Ara-Kajy mirindra ny Vondrona Eoropeanina.

⭕Efa mipariaka eny anivon’ireo Fitsarana Ambaratonga Voalohany, Fitsarana misahana ny ady atao amin’ny Fanjakana ary ny Fitsarana ara-bola manerana ny faritany enina ireo « Logiciel » novatsiany vola.

♦️Teto amin’ny Minisiteran’ny Fitsarana Faravohitra indray no nanatontosana ny fananganan-tsaina izay notarihan’ny Mpitahiry ny Tombokasem-panjakana, Ministry ny Fitsarana R/toa RANDRIAMANANTENASOA Landy Mbolatiana, sy ireo mpiara-miasa aminy rehetra.

📌 Notanterahina ny Zoma 17 Martsa 2023 tamin’ny 10 ora maraina teo ny fotoam-pitsarana manetriketrika famaranana ny taom-pitsarana 2022 ary fanombohana ny taom-pitsarana 2023 tao amin’ny Fitsarana Ambaratonga Voalohany tao Antsohihy. Fotoana ihany koa nanaovana ny tomban’ezaka.

⭕ Raha ny salan’isa an’ireo asa rehetra natao ny taona 2022, dia 60% mahery kely ny ambany indrindra ny asa vita amin’ny ankapobeany, ary maro ireo karazan’asa nihoatra ny 80% no vita ary nisy ny nahazoana vokatra 100% mihitsy.

⭕ Raha mahakasika ny « ratio condamnés/prévenus » dia 74,09% /25,91%. Tratra ny tanjona napetraka ny Ministeran’ny Fitsarana izay 70% / 30%.

⭕Raha ny ady amin’ny Kolikoly sy ireo mpijirika dia 14 no tratra ambodiomby sy niaky ny helony ary voasazy avokoa.
♦️Hitohy ny ezaka ary ho hatsaraina ireo salan’isa ireo amin’ity taona 2023 ity.
♦️ Marihina fa Mpitsara 2 sy Mpirakidraharaha 12 no ao amin’ny Fampanoavana (Parquet) , ary 2 kosa no ao amin’ny Mpamoaka didy (Siège) no eto Antsohihy.

📌 Notontosaina anio alakamisy 16 martsa 2023 ny fidirana ofisialy ireo mpianatra ho mpitsara andiany 2022.

⭐Tonga nanatrika izany lanonana nandraisana ireo mpianatra izany ny Mpitahiry ny Tombokasem-panjakana,­ Ministry ny Fitsarana, Ramatoa RANDRIAMANANTENASOA Landy Mbolatiana.

⭕Ireto andiany 2022 ireto dia miisa zato (100) izay mizara sampana telo:
– Ny sampana misahana ny ady ifanaovan’olon-tsotra: mpianatra miisa enimpolo (60)
– Ny sampana misahana ny ady ifanaovana amin’ny fanjakana: mpianatra miisa roapolo (20)
– Ny sampana misahana ny fitsirihina sy fanaraha-maso ny kaontim-bolam-panjakana: mpianatra miisa roapolo (20)

⭕Maharitra roa (2) taona ny fiofanan’izy ireo eto anivon’ny Sekoly fanofanana mpianatra ho mpitsara sy mpiraki-draharaha ka ny taona voalohany dia fianarana ety amin’ny Sekoly. Ny taona faharoa dia fianaran’asa eny amin’ny ivotoeram-pampiofanana arak’asa maro samihafa.

🔷Ny nampiavaka ny fandraisana ireto andiany 2022 ireto dia ny fanaovan’ireto mpianatra ireto sonia ny satan’ny fitondran-tena mendrika maneho ampahibemaso ny faneken’izy ireo ny fitsipi-pifehezana sy fandaminana apetrakin’ny Sekoly sy izay takian’ny asa hosahanin’izy ireo any aoriana.