Catégorie : Autres Evenements
Fitsarana manakaiky vahoaka.
⚖️ Ho fampiarana ny politikan’ny Ministeran’ny Fitsarana : » FITSARANA MANAKAIKY VAHOAKA » sy ho fampianarana ny andry voalohany izay « Fanandrantana ny maha-olona », dia faly manasa anao izahay ho tonga hanatrika ny « VARAVARANA MISOKATRA » izay kakarakarainay ny Alakamisy 18 Jolay 2024 ho avy izao eny amin’ny Lapan’ny tanàna Analakely manomboka amin’ 10 Ora maraina
/center>
FAMPITAOVANA NY FITSARANA.
📌Tao anatin’ny fanokafana ny toeran’ny MFT na ny Madagasikara Fanantenana Technologie etsy Behoririka dia nanolotra solosaina miisa 50 ho an’ny Ministeran’ny Fitsarana izy ireo ho fanampiana amin’ny asa ao anatin’izao azakazaka amin’ny haitao arakajy mirindra izao.
⭕ Ny talen’ny Kabinetran’ny Ministry ny Fitsarana sady Sekretera Jeneraly mpisolo-toerana, A/toa RARIVOJAONA Emile no nisolo tena ny Ministry ny Fitsarana no sady nitondra ny teny fisaorana tamin’izany.
➡️Ny MFT izay miara-miasa amin’ny Era.ca sy ny MHTM dia mikirakira ireo solosaina efa niasa ka mamerina manamboatra izany mba ho afaka ampiasaina indray ka mizara izany maimaimpoana ho an’ireo mila izany toy ireo mpianatra eny amin’ireny akany ireny ohatra.
FITSARANA AMBARATONGA VOALOHANY MANDRITSARA.
📌Ny 6 Jolay 2024, no notanterahina ny lanonam-pitsarana manetriketrika nametrahana tamin’ny toerany ny Tonia Mpampanoa eo anivon’ny Fitsarana Mandritsara, A/toa André ANDRIMPIRENENA izay notarihan’ny Fitsarana Ambony Mahajanga.
✅Vonona ny hanatanteraka ny vinan’ny Ministeran’ny Fitsarana izay Fitsarana manakaiky vahoaka ny tenany ary vonona ihany koa hiady amin’ny kolikoly sy ireo mpijirika izay manimba ny hendriky ny fitsarana.
⭐Tonga nanotrona sy nanome voninahitra ny fotoana ireo tompon’andraikitra isan-tsokajiny eto an-toerana.
Fitsidihana ara-pomba fanajana.
📌Anio 05 jolay dia tonga nanao fitsidihana ara-pomba fanajana an’ny Minisitry ny Fitsarana sady Ministry ny Mponina sy ny Firaisankina misolo toerana,R/toa RANDRIAMANANTENASOA Landy Mbolatiana teto amin’ny Ministeran’ny Fitsarana Faravohitra, ny delegasiona notarihin’ny Filohan’ny filan-kevi-pitantanan’ny UNICEF, Andriamatoa Ernest RWAMUCYO, izay mamita iraka eto Madagasikara.
➡️Nisy ny jery todika ny amin’ireo asa vita niarahana tamin’ny UNICEF sy ny dinidinika momba ireo vinavinan’asa kasaina tamin’izany, na ho an’ny Ministeran’ny Mponina sy ny Firaisankina na ho an’ny Ministeran’ny Fitsarana, ity farany izay manana andraikitra amin’ireo zaza tsy ampy taona manana olana amin’ny lalàna.
⭕️Ny UNICEF dia anisan’ireo mpiara-miombon’ antoka miasa amin’ny sehatra maro toy ny amin’ny lafiny fanabeazana, ny fiahiana ara-sosialy indrindra ho an’ ireo ankizy eto Madagasikara.
