Mois : juin 2022
Fivoriana faharoan’ny Komitin’ny Fitantanana ny Fandaharanasa Fanohanana ny Sehatry ny Fonja Malagasy « FANARENANA »
Pejy an-tsary 14 Jona 2022
Fanohanan’ny firenena Frantsay, amin’ny alalan’ny AFD (Agence Française de Développement) ny Ministeran’ny Fitsarana sy ny fiarahamonim-pirenena mahakasika ny fanatsarana ny fari-piainan’ireo voafonja, ny famerenana azy eo anivon’ny fiaraha-monina ary ny zava-misy iainan’ny mpiasan’ny fonja eto Madagasikara amin’ny sehatry ny asa.
Notanterahina androany 14 Jona 2022 tato amin’ny tranom-bokin’ny Ministeran’ny Fitsarana ny fivoriana faharoan’ny Komitin’ny Fitantanana ny Fandaharanasa Fanohanana ny Sehatry ny Fonja Malagasy « FANARENANA », notarihin-dRamatoa Sekretera Jeneralin’ny Ministeran’ny Fitsarana RABY Savatsarah Gabrielle. Ity fihaonana ity dia nahitana ny fandraisa’anjaran’ny tompon’andraikitra eo anivon’ny fiadidiana ny fonja foibe sy ny isam-paritra, ny solontena avy amin’ny Ministeran’ny Fambolena, ny Ministeran’ny Rano, ny Fanadiovana sy ny Fidiovana, ny Ministeran’ny Fampianarana Teknika sy ny Fanofanana arak’Asa, ny Ministeran’ny Fahasalam-bahoaka, ary koa ny fikambanan’ny Fiarahamonim-pirenena izay arafitr’ireo tompon’ny tetikasa. Ity fandraisan’anjara ity dia manatanteraka ny fifampidinihana napetraka ao amin’ny FANARENANA, miaraka amin’ireo ministera hafa voakasik’izany.
➡ Niompana indrindra tamin’ny fankasitrahana ny hetsika natao hatramin’izay sy ny famaritana ny paikady hironana ary ny fomba fijery ho an’ny tapany faharoa amin’ny taona ny fandaharam-potoana.
Fananganantsaina natao teto anivon’ny Ministeran’ny Fitsarana Faravohitra.
📷 Pejy an-tsary 13 Jona 2022.
🇲🇬 ⚖ Fananganantsaina natao teto anivon’ny Ministeran’ny Fitsarana Faravohitra.
📌 Ilaina ny mitandrina ny fahasalamana.
➡ Nanamarika ny fananganan-tsaina anio Alatsinany teto amin’ny Ministeran’ny Fitsarana teto Faravohitra ny fahatongavan’ny Solotenan’ ny Minisiteran’ny Fahasalamam-bahoaka tamin’ny alalan’ny Talen’ny Ofisy Nasionaly Miady amin’ny fifohana sy fihinana paraky (Office Nationale de Lutte Antitabac (OFNALAT)).
🚫 Nanentana ny tokony tsy hifohana sigara izy ireo, ary indrindra nilaza ireo voka-dratsy ateraky ny fifohana izany. Nilaza ihany koa ny Mpitsabo eto anivon’ny Ministeran’ny Fitsarana ny tokony hanamafisana ny fiarovana sy ny fanajana ny elanelana hiarovana amin’ny COVID 19, satria hita sy tsapa fa miha-mirongatra ireo hita mitondra izany.
⭕ Nisaotra ary nanome toro-marika ny Mpitahiry ny Tombokasem-panjakana, Minisitry ny Fitsarana A/toa RAKOTOZAFY François nandritra ny fandraisany fitenenana, ary nampatsiahy ireo zava-niseho ny herinandro lasa nahakasika ny “Fikaonandoham-pirenena momba ny fananan-tany” izay niaraha-nisalahy tamin’ny Ministeran’ny Fananjariana ny tany sy ny sampandraharahan’ny Fananan-tany natao tetsy amin’ny CCI Ivato ny 08,09,10 Jona 2022 lasa teo. Nisaotra sy nankasitraka ireo mpandray anjara mavitrika tamin’ny fanatontosana izany ny tenany.
Nifarana androany ny « Fikaonandoham-pirenena momba ny fananan-tany » izay natao teto amin’ny CCI Ivato.
📸 Pejy an-tsary 10 Jona 2022.
📌Nifarana androany ny « Fikaonandoham-pirenena momba ny fananan-tany » izay natao teto amin’ny CCI Ivato.
✅ Naharitra hatelona ny fikaonandoham-pirenena ary nahatratra 600 ireo mpandray anjara avy amin’ny lafivalon’ny Nosy.
Nafana ny fandraisan’anjaran’ny tsirairay ary tratra ny tanjona ny amin’ny fitadiavana vahaolana amin’ireo olana mitranga amin’ny vahoaka Malagasy amin’ny resaka ady tany sy fananan-tany.
🔴Araka ny baikon’ny Filoham-pirenena Andry RAJOELINA dia ho tanterahana avy hatrany ny sasany amin’ireo VAHAOLANA.
Ilain’ny vahoaka ny vokatra azo tsapain-tànana.
➡ Nandritra ny fandraisam-pitenenan’ny Mpitahiry ny Tombokasem-panjakana, Ministry ny Fitsarana, A/toa RAKOTOZAFY François dia nanamafy sy nanatintratintra izy fa ny Fitsarana dia vonona hanantanteraka ireo vahaolana izay tandrify azy.
🔺 Efa Betsaka ireo vina napetraka, indrindra fa ny Fitsarana manakaiky vahoaka sy ny ady amin’ny kolikoly amin’ny fametrahana ny « e-justice » mba hisian’ny fangaraharahana. Maro ireo soso-kevitra naroso mba hampandrosoana sy hanafainganana ny asam-pitsarana, ohatra ny fanamboarana fotodrafitrasa vaovao, fanitarana ny efi-trano fiasana, ary ny fampitomboana ny isan’ireo mpianatra ho mpitsara sy mpirakidraharaha.
Ho tanterahana matetika ny fidinana ifotony amin’ny fampahalalàna sy Fampahafantarana ny lalàna sy ireo paikady rehetra tokony ho fantatra ny vahoaka.
⭕ Manainga ireo ratsa-mangaika rehetra hiara-misalahy aminy ny Ministeran’ny Fitsarana hanatrarana ny tanjona iombonana.
FANAPARIAHANA LALANA SY PAIK’ADY ARA-PITSARANA
FANAPARIAHANA LALANA SY PAIK’ADY ARA-PITSARANA : Lohahevitra vaovao indray no entina ampahafantarina antsika mpanaraka ny pejy amin’ity volana jona ity. Satria moa ity volana ity dia natokana hankalazana ny volan’ny ankizy dia andeha ny mahakasika ny FIAHIANA NY ZAZA na « TUTELLE » no ampahafantarina antsika bebe kokoa.
RAHOVIANA ARY NO MISOKATRA NY FIAHIANA NY ZAZA na TUTELLE ? Rehefa maty avokoa ny ray sy ny renin’ilay zaza na zatovo (marihina fa latsaky ny 21 taona ilay zaza na zatovo resahina eto), Rehefa very tanteraka na vonjimaika ihany na koa noesorina tamin’ny ray sy ny reny ny fanatanterahany ny fahefan’ny ray aman-dreny na « autorité parentale », Ho an’ireo zaza tsy misy mpiahy izay tsy manana na ray na reny nanangana an-tsitrapo na koa tsy manana mpiahy voamarina tamin’ny alalan’ny didim-pitsarana navoakan’ny Mpitsara ny ankizy na « Juge des enfants ». INONA NO TANJON’NY FIAHIANA ? IZA AVY NO AZO ATAO MPIAHY na « TUTEUR » ?FA TSY AZO ATAO MPIAHY KOSA : Ny ankizy, Ny olona manana fahasembanana ara-tsaina, Ny olona voaheloka tamin’ny sazy mihatra amin’ny vatana sy mahafa-baraka na Ireo olona fanta-bahoaka noho ny faharatsiam-pitondrantenany.Fifamindram-pahefana.
📸 Pejy an-tsary 09 Jona 2022.
⚖ Fifamindram-pahefana.
➡️ Taorian’ny fanendrena an’Andriamatoa BEGARA Etienne ho Talen’ny Fampivoarana ny Famokarana eny anivon’ny Toby (Directeur de la Promotion de la Productivité des Camps Pénaux), dia notontosaina androany 09 Jona 2022 tao amin’ny biraon’Andriamatoa RAKOTOMALALA Aina Tantely, Talen’ny maha olona sy ny famerenana ny voavonja eo anivon’ny fiaraha-monina (Directeur de l’Humanisation de la Détention et de la Préparation à la Réinsertion Sociale) eto Faravohitra ny famindram-pitantanana ny Sampandraharahan’ny Asa, Tombim-pamokarana ary ny Sakafo (Service des Métiers des Camps Pénaux et de l’Alimentation) izay tarihin’Andriamatoa ANDRIANOELIMANANA Ny Aina Mamy. Ka manomboka izao dia hotantanan’ny Fitaleavan’ny Fampivoarana ny Famokarana eny anivon’ny Toby ity Sampandraharaha ity.
