Jour : 10 juillet 2023
Posted in Actualités
NIHAONA TAMIN’NY MINISTRA RANDRIAMANANTENASOA LANDY MBOLATIANA NY FIKAMBANAN’NY BEN’NY TANANA VEHIVAVY.
📌 Alatsinainy faha 10 Jolay 2023, tonga teto Faravohitra ny Fikambanan’ny Ben’ny Tanàna Vehivavy, notarihan’ny Ben’ny Tanànan’ Anosizato Andrefana, Ramatoa ANDRIAMBOLONONA Laurence, izay Filohan’ny Fikambanana. Nihaona tamin’ny Mpitahiry ny Tombokasem-panjakana, Minisitry ny Fitsarana RANDRIAMANANTENASOA Landy Mbolatiana izy ireo.
➡ Votoatin-dresaka ny fanomanana ny hetsika ho an’ny Vehivavy, ho tanterahana ny 6 Aogositra ho avy izao. Tanjona amin’io hetsika io ny fanentanana sy famporisihana ny Vehivavy mba handray andraikitra eto amin’ny Firenena. Amin’izao fotoana izao, 93 ny Vehivavy raha 1695 no isan’ny Ben’ny Tanana.
