Jour : 5 juillet 2023
MINISITERAN’NY FITSARANA : NIHAONA TAMIN’NY MINISITRA RANDRIAMANANTENASOA LANDY MBOLATIANA NY SOLOTENA MAHARITRY NY OIF HO AN’NY FARITRY NY RANOMASIMBE INDIANA, ANDRIAMATOA LEONARD EMILE OGNIMBA.
📌Ny Alarobia faha-5 Jolay 2023, no nanatanterahana ny fihaonana teto amin’ny Foiben’ny Minisiteran’ny Fitsarana Faravohitra. Voatoatin’izany ny firesahana ny fomba enti-manatanteraka ny Politika Ankapoben’ny Fanjakana, mikasika ny tontolon’ny Fitsarana, ny fiarovana ny zon’olombelona izay tena noresahana nandritry ny fihaonana, amin’izany dia maro ny tetikasan’ny Minisiteran’ny Fitsarana, izay iarahana miasa amin’ny OIF amin’izao fotoana izao, toy ny ady amin’ny kolikoly, ny Fitsarana mitety vohitra ho fanomezana didim-pitsarana misolo sora-pahaterahana, ary ny fametrahana ny rafitra miaro ny fampiasana ny « données personnelles ».
➡️Nanamafy ny fahavononana amin’ny fanatsarana sy fanohizana izany fiaraha-miasa izany ny Minisitra RANDRIAMANANTENASOA Landy Mbolatiana ary mbola vonona amin’ny fanohanana hatrany ny Masoivohon’ny OIF Léonard Émile OGNIMBA.
