📷 Pejy an-tsary 04 Jolay 2022.
⭕Tanterahana eto amin’ny Fitsarana Tampony Anosy ny fananganan-tsaina isaky ny Alatsinainy voalohan’ny volana.
Notarihan’ny Sekretera Jeneralin’ny Ministeran’ny Fitsarana, R/toa RABY Savatsarah ny fotoana ary nandritra ny fandraisany fitenenana dia nanentana hatrany ny rehetra izy mba hazoto hanatrika izany satria adidy ho an’ny firenena ny fananganan-tsaina ary marika ny maha iray antsika Malagasy, nanome toromarika ny rehetra ihany koa izy ny amin’ny fanaovana ny asa ara-drariny manoloana ny vahoaka izay manan-draharaha eny anivon’ny Fitsarana isan’ambaratongany. Nampita ireo vaovao farany toy ny fanomanana ny fikaonandohan’ireo mpitsara rehetra (Symposium des magistrats) izay ho tontosaina ny 11 sy 12 Jolay 2022 izao ny tenany, ary manentana ireo mpitsara rehetra manerana ny Nosy ho tonga hanatrika sy hanotrona izany.
