Mois : juillet 2023

📌Alatsinainy 31 jolay 2023, tontosa ny fametrahana ny vato fototra voalohan’ny Fitsarana Ambaratonga Voalohany eto Ambatofinandrahana. Manao ezaka hatrany ny fitondram-panjakana manorina fotodrafitrasa manara-penitra ho an’ny vahoaka, ary ao anatin’ny fanatanterahana ny vina « Fitsarana manakaiky vahoaka » ihany koa izao. Hanala ny fahasahiranan’ny vahoaka amin’ny fikarakarana raharaham-pitsarana samihafa ity fotodrafitrasa izay eo andalam-pananganana ity satria dia tsy voatery handeha lavitra intsony ny vahoakan’Ambatofinandrahana sy ny manodidina.

⭐Nitarika ny fametrahana ny vato fototra ny Mpitahiry ny Tombokasem-panjakana, Ministry ny Fitsarana, Rtoa RANDRIAMANANTENASOA Landy Mbolatiana notronin’ny Filohan’ny Antenimierampirenena sy ireo olomboafidy sy olomboatendry eto amin’ny Distrikan’Ambatofinandrahana sy Ambositra.
Vinavinaina ho vita ao anatin’ny 4 volana ny fotodrafitrasa.

➡️Tao aorian’izay moa dia nisy ny fitokanana ny biraon’ny solombavambahoaka teo an-toerana.

📎 Taorian’izay ihany koa dia nisy ny fitokanana ny biraon’ny solombavambahoaka ao an-toerana.
🎥 Indro ny famintinana.

📌Nanomboka ny Sabotsy 29 Jolay 2023, efatra andro no nanatanterahana ny
Zaikaben’ny A.F.A.P. »Vehivavy mijoro ho Fampandrosoana ny Ankohonana sy ny Firenena » no lohahevitra nentina nanatontosana izany. 500 mahery ireo Vehivavy Mpandraharahan’ny Fonja sy ny Vadin’ny Lehilahy Mpandraharahan’ny Fonja nandray anjara ka filaharambe namakivaky ny tananan’i Mahajanga no nanokafana azy.

➡️ Ny Mpitahiry ny Tombokasem-panjakana, Minisitry ny Fitsarana dia nanamafy fa Taratra ny firaisan-kina ao anatin’ny asa, ary mendrika ho tohanana ny hetsika nataon’ny AFAP. Nambarany fa masina ny asan’ny Mpandraharahan’ny Fonja satria sady fanabeazana no antoky ny fandriam-pahalemana.

⭕Nisongadina tamin’ny hetsika ny fampirantiana ny asatanana vitan’ny Voafonja sy ny Vehivavy vadin’ny Mpandraharahan’ny Fonja ary ny Vehivavy Mpandraharahan’ny Fonja. Nitsidika izany ny Minisitra RANDRIAMANANTENASOA Landy Mbolatiana, ary namporisika hatrany ny rehetra mba hampitombo ny ezaka efa vita. Nandritra izany ihany koa no nitsidihana ny Fonjan’ny Vehivavy eto Mahajanga, ary nanoloran’ny Minisitra sy ny AFAP tohana ara-pitaovana sy ara-tsakafo ho azy ireo. Taorian’izay dia nanome vatsin-dalana ho an’ny AFAP ny Mpitahiry ny Tombokasem-panjakana, Minisitry ny Fitsarana, RANDRIAMANANTENASOA Landy Mbolatiana.

📌 Zoma faha 28 Aprily 2023. Tao anatin’ny lanonam-pitsarana manetriketrika no nametrahana an-dRamatoa RANDRIAMAHEFARILALA Rindra Harizo eo amin’ny toeran »ny Tonia Mpampanoa Lalàna eo anivon’ny Fitsarana Manokana Iadiana amin’ny Kolikoly Ambaratonga Voalohany eto Mahajanga.

📝 Teboka telo no napetrany hitantanana ny Fampanoavana :
▶️ fampiharana ny lalàna ho an’izay meloka ary tsy misy an-kanavaka ;
▶️ fanafainganana ny raharaham-pitsarana ao anatin’ny fahamalinana tanteraka ;
▶️ fanajana ny zon’ny mpitory sy ny toriana.

📌 Ny Mpitahiry ny Tombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana, izay nanome voninahitra ny lanonana dia nitondra fanazavana ny asa sy ny andraikitry ny PAC izay manana ny mampiavaka azy amin’ny sampam-pitsarana hafa. Nohamafisiny fa tsy ho ela dia hisokatra ihany koa ny Fitsarana Manokana Iadiana amin’ny Kolikoly ao Fianarantsoa.

🔹Marihana fa banga nandritra ny roa taona sy tapany ny toeran’ny Tonia Mpampanoa Lalàna eo anivon’ny PAC Mahajanga.
Nanatrika ity lanonana ara-pitsarana manetriketrika ity, ireo Manam-boninahitra Sivily sy Miaramila avy eto Mahajanga sy avy amin’ny Faritany hafa.

📌 Alakamisy 27 jolay 2023, natao izay fomba rehetra hanamafisana ny fiarovana an’ireo valim-panadinana izay hidirana ho mpianatra eo anivon’ny Sekolim-pirenena Mpampiofana ho Mpandraharahan’ny Fonja (ENAP). Ao anatin’ny fitsarana sy fanangonana ny naotin’ireo valim-panadinana ny eo anivon’ny Sekoly izay miara miasa akaiky amin’ny FOP sy ny BIANCO. Nijery akaiky ny fizotran’izany ny Mpitahiry ny Tombokasem-Panjakana, Minisitry ny Fitsarana, Rtoa RANDRIAMANANTENASOA Landy Mbolatiana.

➡ Ambaratonga samihafa ny fiarovana ny valin’ny fifaninana ka tsy misy ahiahiana amin’ny kolikoly sy ny fanovàna ny naoty ary manamafy ny Tale Jeneralin’ny sekoly, Atoa RAZAFINTSALAMA Désiré fa izay miheritreritra hanao kolikoly any dia zava-poana ihany ka manentana ny rehetra sao ho very vola fotsiny any. Mangarahara ny fifaninana ary efa tsy ho ela dia hivoaka ny valin’izany.

📌 Tsara ho fantatra fa ny Sekoly ENAP dia miara-miasa akaiky amin’ny FOP sy ny BIANCO.
🎥 Manasa antsika hanaraka izany rehetra izany, indrindra ny tafatafa teo amin’ny mpanao gazety sy Rtoa Minisitra ary ny Tale Jeneralin’ny Sekoly ENAP, Atoa RAZAFINTSALAMA Désiré izay nitondra fanentanana ho an’ny fifaninanana madio.

📌 Alakamisy 27 Jolay 2023, amin’ny maha-mpiahy an’ireo mpifaninana lomano amin’ny lalaon’ny Nosy dia manaraka akaiky ny fanazara-tena sy ny fikarakarana an’ireo mpifaninana ny Mpitahiry ny Tombokasem-Panjakana, Minisitry ny Fitsarana, Rtoa RANDRIAMANANTENASOA Landy Mbolatiana, ka nijery an’izay azo hanampiana azy ireo mba hanatsara kokoa ny fanazara-tena mba hampitombo ny tanjaka sy ny hery ho enti-miatrika ny lalao. Niaraka nifarimbona tamin’izany ny filohan’ny federasiona.

➡ Nanolotra rano 50 fonosana, tapis 11 isa, tady fitsambikinana 7 isa, Elastika 3 isa, kronometatra 6 isa.

⭕ Tanjona moa ny hazohana medaly maro amin’ity lalaon’ny Nosy ity.