Mois : mai 2023

📌Tao amin’ny Fonjan’ Antanimora, nandritra ny fitsidihana tampoka nataon’ny Mpitahiry ny Tombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana, betsaka ny zavatra hita fa tsy mifanaraka amin’ny tokony ho izy: tery ny Fonja satria mihoatra ny zakan’ny toerana ny isan’ny voafonja, tsy mifanaraka ny isan’ny voafonja voarakitra anatin’ny boky sy ny voaisa mivantana, misy ny voafonja miasa any ivelany, betsaka ny mbola tsy voatsara raha oharina amin’ny voatsara.

☑️Niainga tamin’izany, natsangana ny « task force » hanatanteraka ny lamin’asa vaovao ho entina manadio ny fitantanana ny Fonja sy ny tontolon’ny Fitsarana ary hanafainganana ny raharaham-pitsarana.

➡️ Ho an’ny Mpitantana ny Fonjamben’Antanimora dia hatao mazava ny antotan’isa ka hatokana ny isan’ny voatsara sy mbola tsy voatsara, tsinjaraina ireo voatsara ka hatokana ireo nanao fampakarana, hatokana ireo nangataka fandravana didy. Rehefa vita izay dia hampitoviana ny isa avy any amin’ny Fonjamben’ Antanimora sy ny isa eo ampelatanan’ny Fitsarana Anosy. Miainga amin’ny antotan’isa marina mivoaka eo no hitsinjarana ny asa ka atao mitovy ny isan’ny raharaha eo ampelatanan’ny Mpitsara tsirairay, toy izay efa nampiharina tamin’ny Fitsarana ady tany.

⭕️ Ao anatin’ny fanatanterahana izany , dia miato aloha ny famoahana voafonja hiasa any ivelany, mba hahafahana mamoaka ny isa marina.
▫️Enimbolana no hanatanterahana io lamin’asa vaovao io, ary hatao manerana an’i Madagasikara, aorian’ny fampiharana azy amin’ny Fonjan’ Antanimora.

🎥 Horonan-tsary:

📌 🎥FANAOVANA ASA IVELAN’NY FONJA: MIATO ALOHA MBA HISIAN’NY FANDAMINANA.

📌 Ny Alatsinainy 22 Mey 2023 no nandray ny asa maha-Tonia Mpampanoa Lalàna, eo anivon’ny Fitsarana Ambaratonga Voalohany Antananarivo Ramatoa RAKOTONIAINA Narindra Navalona. Ny fanatanterahana ny laharam-pahamehana napetraky ny Minisitra RANDRIAMANANTENASOA Landy Mbolatiana no himasoany, dia ny ady amin’ny kolikoly, ny Fitsarana tsy mitanila ary ny Fitsarana manakaiky vahoaka.

🔴 Ny Mpitahiry ny Tombokasem-panjakana, Minisitry ny Fitsarana dia nampahatsiahy ny andraikitry ny Tonia Mpampanoa Lalàna, izay tena saropady tokoa ka mila olona sahy mandray andraikitra, ary tena vonona ny hiady amin’ny kolikoly tokoa.

⭐ Olo-manankaja sivily sy Miaramila maro no nanatrika ny lanonam-pitsarana manetriketrika, nametrahana tamin’ny toerany ny Tonia Mpampanoa Lalàna Antananarivo.

📌 Ny Zoma 19 Mai no nanaovana ny lanonam-pitsarana manetriketrika, nametrahana an-dRamatoa MAEVAZAKA Josie Thérencia, ho Filohan’ny Fitsarana Ambaratonga Voalohany ao Maroantsetra.

⭕ Fanambiny ny hanao laharam-pahamehana ny ady amin’ny famotehana ny tontolo iainana, ny fiparitahan’ny zava-mahadomelina ary ny fanafainganana ny raharaham-pitsarana, indrindra ny ady tany, izay tena mahazo vahana eny anivon’ny fiaraha-monina.

⭕ Tetsy an-kilan’izay, ny Mpitahiry ny Tombokasem-panjakana, Minisitry ny Fitsarana, Ramatoa RANDRIAMANANTENASOA Landy Mbolatiana, dia nanamafy hatrany fa tsy maintsy halavirina ny kolikoly, ary nanao antso avo amin’ny tompon’andraikitra rehetra amin’ny raharaham-pitsarana, mba samy hanatanteraka izany. Namafisiny ihany koa fa miara-miasa ny Minisiteran’ny Fitsarana sy ny PNUD ka misy ny fanatontana boky, mirakitra ny didim-pitsarana nivoaka tany aloha, hahafahana mampitovy ny didy mivoaka amin’ny raharaha mitovy, ka tsy hisy ny fitanilana.

➡ Taorian’ny lanonana ara-pitsarana manetriketrika, nametrahana tamin’ny toerany, ny Filohan’ny Fitsarana Ambaratonga Voalohany ao Maroantsetra, dia nitsidika ny Fonja tao an-toerana ny Minisitra RANDRIAMANANTENASOA Landy Mbolatiana, ary nanolotra jiro hanazavana ny toerana sy vary hanampiana ny eo anivon’ny Fonja.

📌 Ny Zoma 19 Mai 2023, nitsidika ny Fonjan’i Maroantsetra ny Mpitahiry ny Tombokasem-panjakana, Minisitry ny Fitsarana, RANDRIAMANANTENASOA Landy Mbolatiana. Nandritra izany no nanadihadiany ny fomba fitantanana ny voafonja, ny olana sedrain’ny Mpandraharahan’ny Fonja ary nanazavany ny laharam-pahamehana napetraka, mikasika ny fanafainganana ny raharaham-pitsarana. Ankoatr’izay dia nanolotra fitaovana sy sakafo, hanampiana ny eto anivon’ny Fonjan’i Maroantsetra ny Minisitra.

➡Nanolotra jiro sy vary ho fanampiana ny Fonjan’i Maroantsetra izy.

📌 Nihaona tamind-Ramatoa RANDRIAMANANTENASOA Landy Mbolatiana, Mpitahiry ny Tombokasem-panjakana, Ministrin’ny Fitsarana, ny « Contrôleur Général de Police » RANDRIANARISON Fanomezantsoa Rodellys, Minisitry ny Filaminam-bahoaka, ary ny Général de division GELLE Serge, Sekreteram-Panjakana miadidy ny Zandarimariam-pirenena, ny 25 aprily 2023 ny iraka manokan’ny Firenena Mikambana izay notanterahin’ny Komity misahana ny fisorohana ny fampijaliana.
✅ Tontosa antsakany sy andavany ny fitsidihana arak’asa voalohany izay notanterahin’ny Komitin’ny Firenena Mikambana misahana ny fisorohana ny fampijaliana teto Madagasikara ny 16 ka hatramin’ny 27 aprily 2023.
⭕ Ankoatry ny fitsidihana ireo toerana fitazomana olona voafetra fahafahana toy ny fonja, ny Kaomisarian’ny Polisim-Pirenena sy ny Borigadin’ny Zandarimaria dia nisy koa ny fivoriana marososona niarahan’ny delegasiona tamin’ireo antokondraharaham-panjakana toy ny Ministera maromaro voakasika, ny Fitsaràna isan-tsokajiny ary ny fahefana Mpanao lalàna, ny Vaomieram-pirenena mahaleo tena momna ny zon’olombelona ary ny fiarahamona sivily.
🔷 Namaranana ny fitsidihana ny fandraisan’ireo Minisitra telo voakasika mivantana amin’ny ady amin’ny fampijaliana dia ny Mpitahiry ny Tombokasem-panjakana, Ministrin’ny Fitsaràna, ny Minisitry ny Filaminam-bahoaka ary ny Sekreteram-Panjakana miadidy ny Zandarimariam-pirenena ireo Delegasiona.
🔴 Nandritra izany fihaonana izany no nanambaran’ireo iraka manokana ireo ny fankasitrahany ny ezaka vitan’ny fanjakàna malagasy momba ny ady amin’ny fampijaliana. Isan’izany ny fankatoavana ny fifanarahana fanampiny amin’ny fifanarahana iraisam-pirenena miady amin’ny fampijaliana sy ny sazy hafa na fampiharana habibiana, tsy maha-olona n’a manambany ny maha olona, ny fanavaozana ny lalàna laharana faha-2008-008 mba hifanaraka amin’ireo fifanarahana iraisam-pirenena ireo, ny fanatsaràna ny tontolon’ny fonja sy ireo voafonja, ny fanatsaràna ny asa fikarohana sy fanenjehana ireo mpanao heloka eny anivon’ny sampandraharahan’ny polisy sy ny zandarimaria, ny fandraisana an-tanana ireo olona manana olana ara-tsaina ary ny fametrahana ny « Mécanisme National de Prévention ».
➡ Na izany anefa dia mbola misy ny ezaka tokony hatao izay nolazaina tao amin’ny fanamarihana mialohan’ny hamoahana ny tatitra.
Marihina fa tafiditra ao antin’ny andraikitry ny Firenena izay nankato ny Fifanekena fanampiny amin’ny Fifanarahana momba ny fampijaliana na ny sazy… ny fitsidihan’ny Komity misahana ny fisorohana ny fampijaliana.
🔴 Ny tanjona dia ny hanatsaràna ny ezaka atao fisorohana ny fampijaliana atao amin’ny olombelona izay voafetra ny fahalalahany ary koa fanampiana ny Fanjakana amin’ny fampandehanana ny Rafitra nasionaly momba ny fiarovana ny fampijaliana.