Posted in Autres Evenements

Fananganan-tsaina voalohany tao Antanimora amin’ity taona 2022 ity

⭐️Fanolorana tamin’ny mpiara-miasa ao Antanimora ny Tale Jeneralin’ny Fandraharahana ny Fonja (DGAP) vaovao
📌Filamatra sy tarigetra apetraky ny DGAP vaovao ny : fitsipi-pifehezana, ny fahitsiana ary ny fahaiza-manao
Posted in Autres Evenements

Fanampiana ho an’ireo tra-boina : Nitondra ny anjara birikiny ny Ministeran’ny Fitsarana

📌 Voin-kava-mahatratra. Manoloana ny tondra-drano ka mahatonga mpiray Tanindrazana ho tra-boina, dia nitondra ny fandraisany anjara ny Ministeran’ny Fitsarana. Fanampiana izay naterina androany Alahady 30 Janoary 2022 teny amin’ny Fokontany Ampefiloha, Kaominina ambanivohitra Fiadanana, anatin’ny Distrikan’Ambohidratrimo. 700 ny isan’ny mponina ao, ka 200 mahery no tra-boina. Tsy adino ireo tra-boina amin’ny Fokontany hafa ao anaty Distrikan’Ambohidratrimo.

➡️ Nanatitra ny fanampiana sy nisolo tena an’Atoa Mpitahiry ny Fitombokasem-panjakana Minisitry ny Fitsarana, ny delegasiona notarihin’ny Tale misahana ny Fandaharan’asa ny Fanaraha-maso sy ny Tombana (DPSE) sy Atoa DAFP. Nanotrona teo koa ny Solombavambahoaka voafidy ao amin’ny Distrikan’Ambohidratrimo, ny Ben’ny Tanàna teo aloha ary ny Filohan’ny Fokontany Ampefiloha.

*️⃣ Ho fandraisana anjara dia nanolotra:
🔹Vary 2 taonina (ny 10 gony nomena tao amin’ny Fokontany Ampefiloha)
🔹Tsiasisa 2 gony
🔹Tsaramaso 1 gony (ho an’ny Fokontany Ampefiloha)
🔹Savony 5 baoritra (ny 2 baoritra nomena tao amin’ny Fokontany Ampefiloha)
🔹Menaka 60 litatra (20 litatra nomena ny Fokontany Ampefiloha)
🔹 Sira 1 gony (50 sachets nomena tao amin’ny Fokontany Ampefiloha).

Posted in Autres Evenements

Ady atao amin’ny VBG: Nahazo fitaovana vaovao avy amin’ny FNUAP ireo Mpitsara

✔️ Ho fanatanterahana ny politikam-panjakana mikasika ny ady atao amin’ny herisetra mifototra amin’ny mahalahy na mahavavy (VBG), dia nomena fitaovam-piasana ireo mpitsara mpanentana eo anivon’ireo Fitsarana telo dia ny Fitsarana Ambaratonga Voalohany, ny Fitsarana Ambony, ary ny Fitsarana Fandravana.

➡️ Ny Zoma 28 Janoary 2022 no natolotry ny Sekretera Jeneralin’ny Minisiteran’ny Fitsarana, Rtoa RABY-SAVATSARAH Ain’Harimanga Gabrielle, ny Tonian’ny Fampanoavana Ambony mpisolo toerana ao amin’ny Fitsarana Fandravana, Rtoa RAZAFINDRAMARO Bodo Vololohanitra, ny Tonian’ny Fampanoavana ao amin’ny Fitsarana Ambony Rtoa RAZAFIARIVONY Berthine, ny Tonia Mpampanoa Lalàna ao amin’ny Fitsarana Ambaratonga Voalohany Antananarivo, Rtoa RAKOTOARIVONY Marie Annick.

📌 Ireo fitaovana ireo dia natolotry ny “Tahirim-bolan’ny Firenena Mikambana ho an’ny Mponina” na ny FNUAP ny Minisiteran’ny Fitsarana tamin’ny Talata 02 Novambra 2021 ka ahitana:
🔹 solosaina fitondra mandeha, fitaovana fanontana sy fakana sary taratasy ary finday efa misy fahana mialoha.
Ankoatra ireo Fitsarana 3 voalaza etsy ambony ireo dia efa nahazo solosaina fitondra mandeha sy fitaovana fanontana sy fakana sary taratasy tsirairay avy ny Fitsarana Ambony ao Toliara sy Mahajanga ary ny Fitsarana Ambaratonga Voalohany ao Mahajanga, Toliara, Manakara, Ambovombe ary Betroka.

——————————————-
REMISE DE MATERIELS, DONS DU « FNUAP », A LA CHAINE PENALE ANTI-VIOLENCES BASEES SUR LE GENRE (CPA-VBG)
Dans le cadre de la mise en œuvre de la politique pénale de lutte contre les violences basées sur le genre, la Secrétaire Générale du Ministère de la Justice RABY-SAVATSARAH Ain’Harimanga Gabrielle a remis vendredi dernier à RAZAFINDRAMARO Bodo Vololohanitra, Procureur Général par intérim près la Cour de Cassation, à RAZAFIARIVONY Berthine, Procureur Général près la Cour d’Appel d’Antananarivo et à RAKOTOARIVONY Marie Annick, Procureur de la République près le Tribunal de Première Instance d’Antananarivo, les matériels destinés à l’usage des magistrats référents « VBG » auprès de ces 3 juridictions.
Dons du « Fonds des Nations Unies pour la Population » ou “FNUAP” au Ministère de la Justice le mardi 02 novembre 2021 ces matériels comprennent : des ordinateurs portables, des imprimantes avec scanner et des téléphones portables avec carte prépayée.
Outre les 3 juridictions sus-citées, les Cours d’Appel de Mahajanga et Toliara, les Tribunaux de Première Instance de Mahajanga, Toliara, Manakara, Ambovombe et Betroka ont déjà aussi reçu des portables et des imprimantes avec scanner.