Mois : janvier 2021

Posted in Actualités

Fanovana sy fanavaozana : Tafapetraka ny Tonia mpampanoa lalàna ao Fianarantsoa

Published Date: 24 janvier 2021
Ezaka hita maso sy azo tsapain-tanana amin’ny fanatsarana no atao eo anivon’ny Ministeran’ny Fitsarana. Tafiditra amin’izany ny fanovana sy fanavaozana. Tafapetraka tamin’ny alalan’ny fotoam-pitsarana manetriketrika natao ny zoma 21 janoary 2021 teo ny Tonia mpampanoa lalàna (Procureur de la République) vaovao eo anivon’ny Fitsarana ambaratonga voalohany (TPI) ao Fianarantsoa, Rtoa RABENDRAINY Tinah Sylvia.
Tontonsa nandritra izany koa ny fampahafantarana ireo lehibe vaovao mitantana ireo tribonaly rehetra eo anivon’ny fari-pifehezan’ny Fitsarana ambony (Cour d’appel) ao anatin’ny Faritanin’iFianarantsoa. Fotoam-pitsarana manetriketrika teo ambany fiahian’ny Mpitahiry ny Fitombokasem-panjakana sy Minisitry ny Fitsarana, Atoa Johnny Richard Andriamahefarivo, notronin’ireo olom-boafidy sy olom-boatendry, tompon’andraikitra isan-tsokajiny sivily sy miaramila ao anatin’ny Faritanin’i Fianarantsoa.
“Izao fanavaozana manerana ny Nosy izao dia natao araka ny baiko sy toromarika nomen’ny Filohan’ny Repoblikan’i Madagasikara Atoa Andry Rajoelina, ny amin’ny fanatsarana ny asam-pitsarana ho famerenana ny fitokisan’ny vahoaka, ny hananana fitsarana mendrika, mivelatra sy misokatra amin’ny vahoaka, ary milofo amin’ny ady amin’ny kolikoly. Aoka tsy hidiran’ny politika ny asam-pitsarana. Aoka ny fitsarana hahaleo tena. Tsy misy Filohan’ny Repoblika, n’aiza n’aiza eto ambony tany, ka tsy hikatsaka izay hahasoa ny fireneny. Efa manao izany ny Filoha Andry Rajoelina raha ny fanatsarana ny asam-pitsarana no resahina, ka aoka ho izay no himasoantsika rehetra” hoy ny fanazavana nomen’ny Mpitahiry ny Fitombokasem-panjakana sy Minisitry ny Fitsarana, Atoa Johnny Richard Andriamahefarivo, tamin’ny mpanao gazety.
Marihina fa ny tolakandro, dia nitarika dinik’asa izay natrehin’ireo mpitsara rehetra tsy an-kanavaka tonga teto Fianarantsoa ny tenany.
Posted in Annonces et Informations

Filazana momba ny fifaninana fidirana ho Mpandraharahan’ny fonja eo anivon’ny ENAP

Published Date: 22 janvier 2021

Posted in Annonces et Informations

Pôle Anti-Corruption de MAHAJANGA et de FIANARANTSOA : Appel et relance de l’appel à candidatures pour certains postes

Published Date: 18 janvier 2021


TELECHARGER LE FICHIER

Posted in Actualités

Fitsarana an-Tampony Anosy

Published Date: 14 janvier 2021

Pejy an-tsarin’ny fotoam-pitsarana manetriketrika ho fanokafana ofisialy ny taom-pitsarana 2021 sy tomban’ezaka 2020.

Posted in Annonces et Informations

Fanondranana volamena an-tsokosoko: Olona 8 naiditra MD

Published Date: 10 janvier 2021

Mandray ny andraikiny ny Fitsarana , mikasika ilay fanondranana volamena an-tsokosoko milanja 73,5 kg tratra tatsy Afrika Atsimo. Naharitra 2 andro mahery ny Famotorana natao teny anivon’ny PAC etsy 67 Ha, ka tamin’ny 3ora sy sasany maraina vao vita izany androany alahady 10 janoary 2021.

Vokany: olona 8 tamin’ireo olona am-polony mahery nohenoina voalohany no naiditra am-ponja vonjimaika (MD). Lehilahy 7 any Tsiafahy ary vehivavy iray etsy Antanimora.
Karazan’olona maromaro izy ireo: olon-tsotra voarohirohy ka voasambotra teto Madagasikara, tompon’andraikitra eo anivon’ny ACM, ary tompon’andraikitra eo anivon’ilay kaompaniam-pitanterana an’habakabaka tsy miankina.

Karazan-keloka sy liham-piampangana maro no anenjehana azy ireo. Ohatra: ny fandikan-dalàna momba ny fadin-tseranana, fandikan-dalàna mifehy ny harena an-kibon’ny tany, fanaovana hosoka amin’ny taratasim-panjakana, fanaovana kolikoly na mivantana na an-kolaka, fanondranana volamena an-tsokosoko.

Tsy mijanona hatreo ny raharaha fa mbola mitohy ny fanadihadiana. Fantatra ihany koa fa efa mandeha ny fangatahana ny fanolorana olona enjehina ara-pitsarana (demande d’extradition) ho an’ireo olona mbola tazonina atsy Afrika Atsimo.

Ny Ministeran’ny Fitsarana no nanao ny fangatahana ary mampita izany amin’ny Ministeran’ny Raharaham-bahiny, ity farany no mandefa azy any amin’ny Masoivoho izay mampita izany amin’ny Fanjakana Afrikana Tatsimo.