Mois : octobre 2020

APPEL A MANIFESTATION D’INTÉRÊT POUR LE RECRUTEMENT D’UN CONSULTANT POUR L’ORGANISATION D’UN ATELIER DE RENFORCEMENT  DE CAPACITÉS DES ACTEURS DANS LA PROMOTION A L’ACCÈS A LA JUSTICE

RAKOTOMAHAZO Patricia sy Ranorine no lehibeny

Tontonsa androany tetsy amin’ny Fitsarana an-tampony ny lanonam-pitsarana manetriketrika nanaovana ny fianianan’ny lehiben’ny Tendro iraisan’ny sampan-draharaha miady amin’ny kolikoly (PAC) ao Mahajanga. Araka ny didim-panjakana laharana faha 2020/647 dia Ramatoa Rakotomahazo Patricia no voatendry ho lehiben’ny mpitsara mpamoaka didy eo anivon’ny Fitsarana ambaratonga faharoa miady amin’ny kolikoly ao Mahajanga. Araka ny didim-panjakana laharana faha 2020/648 dia Ramatoa Ranorine no lehiben’ny mpitsara mpampanoa lalàna eo anivon’ny Fitsarana ambaratonga faharoa miady amin’ny kolikoly ao Mahajanga.

Manana traikefa ary mpitsara efa nitazona andraikitra maro eo anivon’ny tontolon’ny fitsarana eto Madagasikara izy roa vavy ireto. Samy nianiana teo imason’ny olo-manan-kaja sy tompon’andraiki-panjakana maro tonga nanotrona izy ireo fa hitsara amin’ny hitsiny sy ny rariny, hitandro ny fahamarinana sy ny tsiambaratelon’ny diniky ny fitsarana.

Nandritra ity lanonam-pitsarana manetriketrika ity dia nomarihin’ny Filoha voalohan’ny fitsarana an-tampony (PPCS) sy ny Tonia mpampanoa ambony eo anivon’ny Fitsarana an-tampony (PGCS) fa efa mizotra ny ezaka sy ady atao amin’ny kolikoly eo anivon’ny fitsarana. Tsy misy ny kolikoly rehefa tsy misy ny mpanao izany hoy izy ireo. Anjaran’ny tsirairay no miara-mientana hiady amin’ny kolikoly eo anivon’ny tontolon’ny fitsarana, satria tafiditra ao anatin’ny Velirano nataon’ny Filoham-pirenena Malagasy Andriamatoa Andry Rajoelina ary tarigetran’ny Mpitahiry ny Fitombonkasem-panjakana sy Minisitry ny Fitsarana Andriamatoa Johnny Richard Andriamahefarivo. Tanjona ny hamerenana ny hasin’ny fitsarana sy hamerenana ny fitokisan’ny vahoaka amin’ny fitsarana.

Marihina moa fa araka ny lalàna, dia ho tontosaina afaka andro vitsivitsy ny fametrahana amin’ny fomba ofisialy an’ireto lehiben’ny PAC Mahajanga any amin’ny toeram-piasany amin’izao andraikitra vaovao ho sahaniny izao.

Dinika momba ny bokintany sy sarintany rovitra

Niatrika fivoriana androany tao amin’ny tranom-bokin’ny Ministeran’ny Fitsarana ety Faravohitra ny Vaomiera ho an’ny fanavaozana ny lalànan’ny fandraharahana (CRDA). Nitarika izany ny Tale Jeneralin’ny Raharaham-pitsarana ny Fandinihana ary ny Fanavaozana (DGAJER) Rtoa Salohy Norotiana Randrianarisoa.

Nifantohan’ireo mpikambana sy mpandray anjara nandritra ny fivoriana ny fandinihana amin’ny antsipirihany ny Volavola rijan-tenin-dalàna mikasika ny famerenana amin’ny laoniny ny bokintany rovitra sy sarintany rovitra (avant projet de loi relative à la reconstitution des documents fonciers et topographiques inexploitables). Mbola hisy moa ny fihaonana manaraka ho tontonsaina eo anivon’ny CRDA momba ny lahadinika androany.

« Efa vonona ny fanomanana ny fifaninanana ho fidirana manaraka » hoy ny Tale Razafintsalama
Désiré

Mivoatra ny Sekolim-pirenena ho an’ny Mpandraharahan’ny fonja (ENAP). Raha 200 teo aloha no mpianatra afaka noraisina, ankehitriny dia afaka mandray mpianatra eo amin’ny 600 ka hatramin’ny 700 ny sekoly. Efa vonona avokoa ny fanomanana rehetra amin’ny fifaninana ho fidirana ho an’ny andiany manaraka. Raha ny vina sy faniriana dia tokony ho tontonsa mialoha ny faran’ny volana novambra 2020 ny fifaninana. Fanamby voalohany ny ady amin’ny kolikoly amin’ny fifaninanana.
Nandrita izay 4 taona nitarihany ny sekoly izay, dia tsy nikely soroka izy nitondra hatrany fanavaozana. Misongadina ireo ato anatin’ity tafatafa niarahana tamin’ny Talen’ny ENAP, ny Inspecteur d’Administration Pénitentiaire en Chef 2ème échelon Razafintsalama Désiré.

Manatontosa fitsidihana fonja maromaro ianao, inona no antony?
“Ny ENAP no tompon’andraikitra voalohany amin’ny fiofanana mitohy sy fiofanana fototra ho an’ny fandraharana ny fonja, noho izany dia fanao ny fanamafisana ny fahaiza-manaon’ny tsirairay toy ny fampianarana eo amin’ny fitandroana ny filaminana any am-ponja, ny fibaikoana sy ny fitantanana, ny etika sy ny deontolojia. Hatreto dia ny fonjan’Antirabe, Ambatolampy ary ny tao amin’ny Fitaleavam-paritry ny fandraharahana ny fonja (DRAP) Vakinankaratra no nampanaovina ny fiofanana”.

Momba izay indrindra, manao ahoana ny politikam-pampianarana ao amin’ny ENAP?
“Vokatry ny fiaraha-miasa sy fanohanan’ny tetikasa PAJMA dia miompana amin’ny fanavaozana ireo singam-piofanana ny fampianarana. Tanjona ny fanamafisana ny fiofanana matihanina. Fanavaozana ifotony miompana amin’ny fampanaraham-penitra ireo singa rehetra amin’ny fiofanana fototra mba hifanaraka amin’ny toetrandro. Noho izany dia hisy ny fandraisana mpampiofana raikitra miisa 5.
Kandida 23 hatreto no nandefa ny antotan-taratasiny. Hatao tsy ho ela ny fisafidianana ireo 5 ho voatazona. Efa tokony natao saingy nahemotra noho ity amehana ara-pahasalamana ity.Taloha mantsy dia tsy nanana mpampiofana raikitra mihitsy ny ENAP. Farany ary tsy kely indrindra ny fanomanana sy fikarakarakana ny fifaninanana hiditra ho mpianatra eto amin’ny ENAP”.

Lire la Suite « Sekolim-pirenena ho an’ny Mpandraharahan’ny fonja (ENAP) » →